موضوع: القوانين من هنا الكل يلتزم اه الكل حتى المدير السبت أبريل 04, 2009 8:14 pm
حاجه فكرت فيها إنى أكتب توبك بلهجه عنيفه أو إنى أزعق وأقول بصوت عالى خيـــــــــــــــر فى إيه ؟
البديهى إن التوبك إسمه توبك أدخل ليه أنا ولا غيرى نلاقى توبك عامله واحد ومكلف عليه جامد يعنى ومنزل نكته اه نكته واحده
وأوقات بنبقى سمعناها 4000 مره
وشغل كوبى باست من منتديات تانيه وحوارات فكسانه
أنا بنى أدم يا إخوانا ومعرض للإصابه بالسكر والضغط ربنا يخليكم نركز
أنا حذفت إنهارده 20 توبك مش أملى بقى من دخولى هنا إنى أبقى نجم قسم المحذوفات
إنتم السبب
بصوا
التوبك يبقى فكاهى ومفيد أو على الأقل يكون توبك يستاهل إن الواحد يدخله ويرد عليه دا اللى هنسيبه هنا
إيه نوع الإفاده ؟
يعنى حاجه بينك وبين أصحابك ومواقف ومقالب ماشى شغال حاجه زى معلومات بتتقدم بطريقه فكاهيه ومعاها سلطاتها جاهزه شغال حاجه تقول بيها رساله وترد بيها على حدث فى بلدك أو المجتمع ماشى شغال
لكن صوره يتيمه أو نكته مالهاش قرايب تنزلها وبس علشان سوسو تضحك وميمى تسخسخ وليلى تقولك واااااااااااااو دانت روش
أو بنت تنزل توبك هااااااااااااااى جايبالكم جمله هتقتلكم من الضحك
أنا بحب أوى وأوى بحب وجدا خالص وخالص جداااااااااااااااااااااا
وإنت أو إنتى تشغلولى الجيل أهو إشتكى من شعرى وجزمتى عدم المؤاخذه رباطها إتضايق
دا عند أمه يا أدهم
القسم مش هرتله بس القسم ضحك وفرفشه بحدود ونظام وهدف
تعاملوا فى أفكار ومسلسلات وقصص كوميديه إستغلوا أى موهبه عندكم المهم تحسوا إن العمليه فيها فايده وتحسسونا معاكم بكدا مش عاوز أنا ولا حد يدخل القسم يشوف التوبكات يخرج ويقول أه شوية عيال سيس
أمانه فى رقابتكم الموضوع دا
يله بقى سمعونى سلام مش هنرفز الغرباوى تانى وهنثبت نفسنا وحلاوة شمسنا وخفة دمنا الجو عندنا بنظام طول السنه
أه بالحق شوفتوا توبك القوانين بدل مايتكتب باللون الإسود والفونت 7 ويكون كله لا لا لا نعم نعم نعم بيتكتب إزاى ؟ يارب تكون كدا وصلت
سلام بقى
عــ asem ــاصم الزعيم
موضوع: رد: القوانين من هنا الكل يلتزم اه الكل حتى المدير الجمعة أبريل 10, 2009 9:14 pm
اهلا بيك زعيمنا ومشرف المنتدي انا سعيد جدا لانك تساعدني في اداره المنتدي شكرا الك يا تامر
موضوع: القوانين من هنا الكل يلتزم اه الكل حتى المدير 
السبت أبريل 04, 2009 8:14 pm
